MANILA – Inihayag ng Department of health ngayong martes na hindi bababa sa 21 na mga healthcare facilities ang bahaging nasira sa pananalasa ng bagyong Karding.
Nangatanggal ang mga bubong at binaha ang ilan sa mga pasilidad, saad ni DOH officer-in-charge Maria Rosario Vergeire
“We have a total of 21 facilities that were partly damaged because of Karding… but there [was] no disruption of services.”
Aniya na ang mga ahensya ng lokal na pamahalaan ay tumutulong sa pagsasaayos.
Idinagdag ni Vergeire na ang bagyo ay hindi nagresulta sa anumang pagkasayang ng COVID-19 vaccine.
Samantala, inatasan ng DOH ang mga regional director nito na magbigay ng post-exposure prophylaxis laban sa panganib ng leptospirosis kasunod ng pagbaha sa ilang lugar sa Luzon.
Tumaas ng 15% ang bilang ng mga kaso ng leptospirosis sa bansa mula Enero hanggang Agosto.
Ang Metro Manila ay mayroong 279 na kaso, o 19%, sa 1,467 na kaso ng leptospirosis. Ang Cagayan Valley at Western Visayas ay parehong may 174 na kaso, o 12%, ng mga kaso.
Sa unang walong buwan ng taong ito, 205 ang bilang ng mga namatay ang naitala o 14-porsyento na case fatality rate
Ang Leptospirosis ay isang sakit na kumakalat sa pamamagitan ng lupa o tubig na kontaminado ng may sakit na ihi ng hayop.
Ang mga tanda nito ay ang lagnat, sakit ng ulo, panginginig, pananakit ng kalamnan, conjunctival suffusion, o pulang mata; meningitis, pantal, paninilaw ng balat, o paninilaw ng balat o mata, pati na rin ang pagkabigo sa bato, ilan sa mga madalang na nangyayari.
